IKUALA ANNORAAQ

Annoraaq nunami maani aneerusitut ilisarnaatigaarput. Siulitta amermik mersortarpaat. Ullumikkut annoraaminernik nutaaliaanerusunik atugaqarpugut, kisianni ilusia suli taannaavoq.

Annoraaq ulluinnarsiutigalugu asimi atugassiaavoq. Iluseq una ilutsinit Aputsiamit Malimmillu oqinneruvoq, kisianni ukiup silaa qanorluunniit ikkaluarpat akiorsinnaavaa. Oqitsumik ninngusuumillu eco-mik mersugaavoq illersuutissamillu ilupaquteqarluni anorimik isugutammillu pitarnaveersitsisumik.

Annoraaq angisuumik nasaasaqarpoq immikullu portusisamik iluapaaruseqarluni sukallugulu qasunneqarsinnaasumik. Sanerai naallugit singissartut singissinnaavatit annoraaq ammavillugu, taamaakkamilu atiuminarlunilu peeruminartuuvoq kissassusialu nalimmassaruminarluni.

Saamigut angisuumik kaasarfeqarpoq qulaaniit saneraaniillu kaaneqarsinnaasumik taamaalilluni kaasarfimmiutit tigoriaannaallutik. Aamma atsipaavini apummut anorimullu assiaquteqarpoq suermut isitsaaliutaasunik.

Siulitta annoraavi aarnussanik illersuuteqartartut uagut annorassiarput singissartumigut Meqqusaalimmik aarnuaqarpoq. Tassalu sila qanoq ikkaluarpalluunniit illersugaalluarputit.