UTERTITSINEQ
(KAL Shop)
Meqqusaalik.gl-imi imaluunniit Meqqusaalik flagship store-mi pisiaq utertinniarukku marlunnik periarfissaqarputit. Meqqusaalik flagship store Sisimiuni pisiat nassarlugu saaffiginnissinnaavutit imaluunniit pisiat meqqusaallip qullersaqarfianut nassiussinnaavat. Eqqaamallugu pisinermut allagartaq nassassagakku ilanngulluguluunniit Meqqusaallip qullersaqarfianut nassiullugu.
Pisiat pisariaqanngitsumik piffissaajaatiginagu kingusinnerpaamillu nalunaarutigereerneraniit ullut 14-t qaangiutsinnagit utertissinnaavat. Tamanna [email protected] atorlugu nalunaarutigissavat. Inniminniinermut uppernarsaat assilillugu nassiutissavat suliarlu sukkanerussaaq utertitsinermi immersugassaq immersorsimagukku. Illit nioqqutissaq akisussaaffigaat ilinnut tunniunneraniit uagut tigunissaata tungaanut. Poortukkat tigunerani akiligassanngortitat tiguneq ajorpavut.
Utertitsivissaq:
KNI A/S
Postboks 319
3911 Sisimiut
Att: Meqqusaalik
Pisiaq utertinneqartoq qanoq issava
Pisiaq tiguneratut itsillugu utertinneqassaaq. Tamanna isumaqarpoq nutaatut tunineqarsinnaassaaq. Pisiaq ussersinnaavat soorlu pisiniarfimmi pisiniarlutit misiliillutit ussiisinnaasutit. Kisianni pisiaq atorneqalissanngilaq.
Pisiaq qulaani taaneqartunit allaanerusumik misilissimagukku akikillissutaasumillu allanngortissimagukku tamanna illit akisussaaffigissavat pisininnilu akiliutivit ilaannai utertissinnaallugit.
Pisiat utertitat tamarmik allagartaminnik allagartaqassapput aammalu/imalluunniit pisiaagamik puuminnik pooqarlutik. Allamik poorsimagukku assartorneqarnerminilu ajoqusersimappat illit akiligassarilissavat.
IMATUT MEQQUSAALIK UTERTISSAVAT (DK shop)
Aneerusitaat Meqqusaalik iluarissagit uagutsinnut pingaartuuvoq. Pisiat angissusaatigut, ilusaatigut qalipaataatigulluunniit iluarinngikkukku utertinnissaanut tikilluaqqusaavutit akiliutillu utertillugit.
Malugiuk nioqqutit neqeroorutaallutik pisiarineqarsimasut utertinneqarsinnaanngimmata.
Ilitsersuut una maliinnassavat:
1. PISISARTUNIK KIFFARTUUSSIVIMMUT MAILERIT
Pisiat peqqissimissutigigukku tiguneraniit ullut 14-it qaangiutsinnagit attavigissavatsigut. Pisisartunik kiffartuussivitsinnut [email protected] atorlugu pisiannik ataatsimik arlalinnilluunniit utertitsiniarlutit nalunaarfigissavatsigut.
2. UTERTITSIVISSAQ IMMERSORUK
Utertitsivissaq poortugarsiannut ilaasoq immersoruk. Pisiat utertinniakkat suuneri soorlu utertinniarnerlugit nalunaakkit. Pisiat tamarmik meqqii atasut utertinneqassapput.
3. PISIAQ ISUMANNAATSUMIK POORUK
Utertitatit isumannaatsumik ajornanngippallu allatsitatit tigugakkit puutoqqaminni poorsimassapput. Eqqaamallugu aamma utertitsinermut allagartaq poortukkamut ikissagakku.
4. NAJUKKAVIT ALLAGARTAA IMALUUNNIIT NASSIUSSAP ALLAGARTAA NIPPUTSIGUK
Najukkavit allagartaa inniminikkannut ilanngullugu nassiunneqartoq ikkuguk. Danmarkimiit Kalaallit Nunaannut poortukkamik utertitsissaguit Post Nordimi nassiussinermut allagartanik pisissaatit poortukkamullu ikkullugu. Malugiuk umiarsuakkut nassiussineq timmisartukkoortitsinermit sivisunerusarmat. Malugiuttaaq aamma akileraarnissamik nalunaarsuummik immersuissagavit. Tamanna Postnordip nittartagaani atuarsinnaavat maani.
