Ikuma Annoraaq

Annoraaq pisortatigoortumik AWG-mut suliaapput, timersortartut Kalaallit Nunaaat sinnerlugu Arctic Winter Games 2024-mi atisaralugit.

Ikumap ilusilersorneqarnera Kalaallit Nunaanni Timersoqatigiit Kattuffiat suleqatugalugu Arctic Winter Games 2024-mut suliarineqarpoq. Qalipaat aappillaarissoq kalaallinut timersortartunut tulluartinneqarluni toqqarneqarpoq. Minnerunngitsumik qangarsuaaniilli atisarisarput annoraaq kinaassutsitsinneereermat.

Annoraaq annoraassiamik polyesterimillu akulerussanik mersugaavoq taamaakkami ninngulluinnarpoq piniarnermut, aalisarnermut sullisitullu atugassiaalluni. Anorimit isugutammillu pitarneqarsinnaanngilaq vandsøjletryk 15.000 mm anersaartorsinnaassusia 10.000 g/m2. Silapilummut suli akiuussinnaanerulersinnarlugu eco DWR-imik (Durable Water Repellent) treatment atorlugu qalligaavoq.

Ikuma saneqqamigut singissartoqarpoq ajornaatsumik peerluguluunniit ateriaannanngorlugu kissarmillu nalimmassaasillugu. Saamigut kaasarfissuaqarpoq illuttut kaaneqarsinnaasumik singissartulimmillu kaasarfimmiutit tigoriaannanngorlugit suli iluani kaasarfeqarluni patroniisivigisinnaasannik suarsunnullu atorsinnaasannik.

Nasaasaata ilupaarusaa aamma naleqqussagaavoq portusuujulluni singissartuatalu tunuani Wind Block-eqarluni anorimut apummullu illersuummik. Nasaasaq saavatigut pukusuatigullu sila malillugu allanngortiterneqarsinnaavoq.

Ikuma Ikumap qarliinut naleqquppoq, pisortatigoortumik Arctic Winter Gamesimut tulluarsarniarukkit. Illilli nammineq sunulluunniit naleqqussarlugu atorsinnaavat.

Soorlu siulitta annoraavi aarnussanik illersorteqartarsimasut taava Ikumap annoraava Meqqusaalimmik singissartumigut aarnuaqarpoq, taamaattumik sila qanoq ikkaluarpalluunniit illersugaalluarputit.

Iluseq angutinut arnanullu atorsinnaavoq. Angissuseq eqqortoq angutit angissusaannut uuttuut atorlugu nassaarisinnaavat.

Pitsaaqutaat:

• Passinni apummut illersuut aamma velcro
• Illuttut singissartut kissamut nalimmassaatit
• Kaasarfik angisooq illuttut kaasariaq
• Iluatungaani suli kaasarfeeraq
• Nasaasaq iluarsineqarsinnaasoq
• Qungasiani singissartup tunuani Wind Block
• Taliini nasaasaanilu reflexit