Description
Palleq tassaavoq qaatigooq vatsinik oqorsaasigaq oqitsoq atisassianik 40%-ii atoqqitanik sanaaq. T8-atisassianik tasisuasunik, ninngussutsimikkut ilisimaneqartunik, qalipaataajarneq ajortunik isugutseraangamillu paniasuunik mersugaq. Qaatigooq ALTO-savat qiviuinik kivigaavoq – ALTO tassaavoq qiviut plastikkimillu puiaasakut sequtsikkat akuleriillugit oqorsaatissiaq, kialaartitsillunilu plastikkimik eqqaanermik millisaaqataasoq.
Palleq qaatiguup sialuk, anori nillerlu akiorsinnaavai singissartui imermik pitarneqarsinnaannginnamik, mersornermini kilui nipitissugaallutik erngullu naqitsinera 20.000 mm ”anersaartorsinnaaneralu” 30.000 g/m2/24h-ulluni. Qaatigooq tamarmi eco DWR-imik (Durable Water Repellent) seqqitsagaavoq, silarlummut suli akiuussinnaanerulersillugu. Aamma kiassuseq nalimmassarneqarsinnaaavoq uniini kissamik aniatitsiviisa ammarnerisigut, atsipaavisa tasisuasut qasunnerisigut, qaatiguup ataani sinaakkutaata nasaasaanilu sukarutaasa allunaasat tasisuasut qasuternerisigut. Aamma sakiaani kaasarfiit marluk nasassamaatinnut, aaqqatinnut suarsunnullu pingaarutilinnut toqqorsivigisinnaavatit. Qaatigooq aamma sisorarluni atugassaqqilluarpoq apummik iserfigiuminaassagaagami talianilu saamillermi kaasarfeqarluni soorlu majuartaammut koortimut toqqorsiviusinnaasumik.
Soorlu siuaasatta aneerusaat aarnussanik illersuuteqartartut aammattaaq Palleq nammineq aarnussaminut kaasarfimmik toqqorsiveqarpoq.
Qaatigooq aamma RECCO-teknologimik pilersugaavoq, aannaassiniartut inunnik apummik matoorussaasimasut, qaqqami periarfeerussimasut allatulluunniit navianartorsiortut sumiissuserniarneranni iluaqutissamik. Teknologii taanna suli Kalaallit Nunaanni atugaanngilaq, nunarsuulli ilaani allarpassuarni illersuutigilluarsinnaavat.
Suna tamaat ataatsimut isigalugu sila qanoq ikkaluarpalluunniit illersuutissannik qaatigoortaassaatit. Aamma ilanngullugu avatangiisinut illersuutaavoq.
- Qalliutaa: 100% polyester
- ALTO qiviunik kiviutaa, 40% qiviut aamma 60% polyester atoqqitaq
- Tritech membran 20K/30K
- Sakiaani saneraanilu kaasarfiit singissartullit
- Uniini kiammik aniatitsivilik
- Nasaasaa sukallugulu qasunneqarsinnaasoq
- Qitiani apummut isaanaveeqqut peerneqarsinnaasoq
- Arngussamut kaasarfik
