Niuernermi piumasaqaatit nalinginnaasut

NIUERNERMI PIUMASARISAT

Meqqusaalik.gl-imi pisiniarnissannut piumasaqaativut nalinginnaasut maani takusinnaavatit. Paasissutissat ujartukkatit nanisinnaanngikkukkit allaffiginissatsinnut tikilluaqqusaavutit uunga: [email protected].

Meqqusaalik.gl-imi inniminniiguit isumaqatigiissutit ataaniittut akuerisimassavatit. Piumasaqaatit atuuttut qaqugukkulluunniit quppernermi tassani nanisinnaavatit. Tamatuma saniatigut Kalaallit Nunaanni pisinermi isumaqatigiissusiornermut inatsisit innersuussutigineqarput, tassani atuisut pisineranni malittarisassat ilaallutik.

PAASISSUTISSAT NALINGINNAASUT

Meqqusaalik.gl

KNI A/S

J.M. Jensenip Aqq. 2

Postboks 319

3911 Sisimiut

CVR nr.: 16607398

E-mailadresse: [email protected]

Telefonnummer: +299 862 400 piffissami

Ataasinngornermiit tallimanngornermut 8:00 – 16:00

Inatsisiliorneq

Meqqusaalik.gl-imi nioqqutissanik tuniaanerup Kalaallit Nunaanni inatsisit atuuttut malippai. Meqqusaalik.gl-imi nioqqutit taamaallaat pisisartunut naatsorsuussaapput inuussutissarsiutissatut suliffeqarnermulluunniit natsorsuussaanatik.

Akit

Akit tamarmik akileraaruseriigaapput qallunaaallu aningaasaannik akilerneqassallutik. Tuniniaasutsinni Meqqusaalik.gl-imilu akit assigiinngissinnaapput.

Nassiussinermi aningaasartuutit

Nassiussinermi aningaasartuutit poortugakkaarlugit akilerneqassapput, pisiat qassiussusiat, pisiap suunera qanorlu angitiginera apeqqutaatillugu. Assartuinermut aningaasartuutit naatsorsorneqarlutillu ersersinneqassapput pisinerup naammassinnginnerani. Poortukkat ikinnerpaatinnissaat anguniagaraarput.

Click & Collect

Sisimiuni najugaqaruit Click & Collect Meqqusaallip pisiniarfiani atorsinnaavat. Tassani onlinikkut inniminnillutillu akiliisinnaavutit. Taava inniminnikkat aqaguani 12:00-miit tiguneqarsinnaavoq.

Ullut tamaasa inniminnikkanik poortuisarpugut.

1. Desktoppikkut, tabletikkut smartphonikkulluunniit inniminniigit.
2. Pisiatit siumoorlugit akilikkit utaqqisut qaangiinnarlugit.
3. Pisiatit aqaguani Meqqusaallip pisiniarfiani nal. 12:00 aasinnaavatit.

Pisiaq pisiniarfitsinni aaneqassammat pisiniarfiitsinni pisiniarnermi piumasaqaatit malinneqassapput.

Nioqqutissanik nalunaarsuineq

Meqqusaalik.gl-imi pisiniaruit pisiassat uninngasuutit marloriarlutik nalunaarsorneqassapput: pisiap koorimut ikineqarnerani aamma inniminnikkap uppernarsarneqarnerani. Soorunami uninngasuutit amerlassusaasa eqqortup nalunaarutiginissaa anguniartuarparput. Ilaannikkulli uninngasuutinik nalunaarutit assigiinngissinnaapput. Tamanna pissuseqarpoq uninngasuutinik kisitsinerit qanoq akulikitsiginerinik. Taamaalilluni pisiariniaraluakkamik pisinngitsoortoqarsinnaavoq.

Akiliineq

Akiliutit makku atorlugit akiliisinnaavutit: MasterCard, VISA-Dankort, Dankort, VISA aamma VISA Electron aamma MobilePay. Meqqusaalik.gl-imi inniminniiguit aningaasat kontonni immikkoortinneqassapput, aatsaallu peerneqassallutik pisiaq adressemut nassiunneqarpat. Immikkoortitaarlugu nassiussuinermi nassiunneqartut nalingi taamaallaat peerneqartassapput. Pisiatit pisiavilluunniit ilai nassiussinnaanngikkutsigit tigusatit taamaallaat akilissavatit. pisiavit allagartaat e-mailikkut nassiunneqassaaq. Pisiat allagartaat mianernartunik allassimasoqassanngilaq. Tamatigulli allassimassaaq korti sorleq kiallu atorsimaneraa.

Akiliininni kortivit paasissutissartai aningaasallu isumaqatigiissutaasut amerlassusii paasiuminaallisakkamik nuussineq Quickpay-software atorlugu ingerlanneqassaaq. Paasiuminaallisaaneq atorparput paasissutissat ilinnut tunngasut allamit paasineqaqqunagit. Inniminniininni aningaasat akuerisimasatit sinnerlugit tigusisinnaanngilagut. Inatsisit malillugit aningaasat utertissinnaavatit imaattoqarpat:

• Pisiaq tunniunneqanngippat
• Peqqissiminissannut pisinnaatitaaffiit atorsimagukku – tassunga ataani immikkoortoq takuuk
• Kontonniit aningaasanik illit akuerisimannngisannik  tigusisoqarsimappat

Nassiussineq

Kalaallit Nunaanni najukkanut taamaallaat nassiussisoqarsinnaavoq. Paasissutissat amerlanerusut takusinnaavatit inniminniinerit naammassigukku.

Nassiussanik angallassisuussaaq Tusass. Nassiussineq timmisartukkuussaaq. Taamannak nassiussinermi track & tracemi normu atorlugu piumagaanni nassiussaq malittarineqarsinnaavoq.

Sisimiuni Meqqusaallip pisiniarfianut aallersinnaaneq aamma qinerneqarsinnaavoq.

Pisiat toqqorsivitsinniit nassiunneqarpata mailikkut nassiunneqartunut akiligassamik nassinneqassaatit. Pisiatit tamaasa ataatsikkut nassiussinnaanngikkutsigit nassiunneqartut taamaallaat akiligassiissutigissavagut. Pisiat sinneri nassiukkutsigit immikkoortumik akiligassamik nassissavatsigit.

Nassiussinerup sivisussusia

Nassiussinermi Tusassip piffissarititai atorneqassapput.

Peqqissimisinnaanermut piffissaq

Pisisartut isumaqatigiissutaanni inatsit malillugu pisiap tiguneraniit ulluni 14-ini peqqissiminissamut periarfissaqarputit. Peqqissimisinnaatitaaneq qaangiutissaaq pisiap tiguneraniit ullut 14-t qaangiuppata imaluunniit pisiap piffimmut tunniunneqarneraniit ullut 14-it qaangiussimappata. Inniminnikkat arlalinnik immikkoortortaqarpat peqqissiminissamut piffissaq qaangiutissaaq pisiavit immikkoortuata kingulliup tiguneraniit ullut 14-it qaangiuppata.

Pisiat peqqissimissutigigukku tiguneraniit ullut 14-it qaangiutsinnagit nalunaarfigissavatsigut [email protected] -ikkut allallutit. Allakkanni erseqqissumik nalunaarutigissavat peqqissimisinnaanermut pisinnaatitaaffiit atorusullugu.

Ilaannakortumik peqqissimineq

Meqqusaallip ilaannakortumik peqqissimisinnaanermut periarfissippaatit. Ilisimassavat angallassinermut aningaasartuutit utertinneqarsinnaanngimmata nioqqutissanik arlalinnik qinusimaguit ilaalu perusunnagit..

Utertitsineq

Meqqusaalik.gl-imi imaluunniit Meqqusaalik flagship store-mi pisiaq utertinniarukku marlunnik periarfissaqarputit. Meqqusaalik flagship store Sisimiuni pisiat nassarlugu saaffiginnissinnaavutit imaluunniit pisiat meqqusaallip qullersaqarfianut nassiussinnaavat. Eqqaamallugu pisinermut allagartaq nassassagakku ilanngulluguluunniit Meqqusaallip qullersaqarfianut nassiullugu.

Pisiat pisariaqanngitsumik piffissaajaatiginagu kingusinnerpaamillu nalunaarutigereerneraniit ullut 14-t qaangiutsinnagit utertissinnaavat. Tamanna [email protected] atorlugu nalunaarutigissavat. Inniminniinermut uppernarsaat assilillugu nassiutissavat suliarlu sukkanerussaaq utertitsinermi immersugassaq immersorsimagukku. Illit nioqqutissaq akisussaaffigaat ilinnut tunniunneraniit uagut tigunissaata tungaanut. Poortukkat tigunerani akiligassanngortitat tiguneq ajorpavut.

Utertitsivissaq:

KNI A/S

Postboks 319

3911 Sisimiut

Att: Meqqusaalik

Pisiaq utertinneqartoq qanoq issava

Pisiaq tiguneratut itsillugu utertinneqassaaq. Tamanna isumaqarpoq nutaatut tunineqarsinnaassaaq. Pisiaq ussersinnaavat soorlu pisiniarfimmi pisiniarlutit misiliillutit ussiisinnaasutit. Kisianni pisiaq atorneqalissanngilaq.

Pisiaq qulaani taaneqartunit allaanerusumik misilissimagukku akikillissutaasumillu allanngortissimagukku tamanna illit akisussaaffigissavat pisininnilu akiliutivit ilaannai utertissinnaallugit.

Pisiat utertitat tamarmik allagartaminnik allagartaqassapput aammalu/imalluunniit pisiaagamik puuminnik pooqarlutik. Allamik poorsimagukku assartorneqarnerminilu ajoqusersimappat illit akiligassarilissavat.

Aningaasat pisissutit utertinneri

Pisinerit peqqissimissutigigukku aningaasat pisissutitit utertissavatit. Pisiaq allanngorsimappat akikillissutaa utertinnerani illit akilissavat.

Peqqissiminissamut pisinnaatitaaffiit atorukku akiliutitit tamaasa utertissavagut pisariaqanngitsumik kinguarsarnagit kingusinnerpaamik ullut 30-t pisiumajunnaarnerpit nalunaarutiginerata tiguneraniit. Utertitsineq illit akiliigavit periuserisimasat assigalugu ingerlanneqassaaq, illit allamik akuersissuteqarsimanngikkuit.

Malugalugu: Nassiussinermi aningaasartuutit pisiavit ilaannaanik peqqissimissuteqarnikkut piumasaqaatigisinnaannginnakkit.

Aningaasanik utertitsineq uninngatissinnaavarput pisiap utertitap tigunissaata tungaanut, allamik utertitsinermut uppernarsaatissaqanngikkuit.

Naammagittaalliorsinnaaneq

Pisiap tiguneraniit ukiut marluk naammagittaalliornissamut pisinnaatitaavutit. Naammagittaalliorsinnaanermut pisinnaatitaaffik isumaqarpoq pisiap tiguneraniit ukiut marluk angullugit pisiami kukkunerit amigaatillu naammagittaalliutigisinnagitit.

Pisiaq iluarsatsissinnaavat, taarsertillugu, aningaasat utertillugit akikillisilluguluunniit pissutsit qanoq inneri apeqqutaatillugit. Naammagittaalliuut naleqquttuussasoq piumasaqaataavoq, ajoqutaasorlu kukkusumik atuinermik allakkulluunniit innarliinermik pissuteqanngitsoq.

Ajoqutip paasinerannit ”piffissaagallartillugu” naammagittaalliutigineqassaaq. Ajoqutip paasineraniit qaammatit marluk iluanni naammagittaallioraanni tamanna tamatigut piffissaagallartillugu  naammagittaalliorfiusimassaaq. Naammagittaalliut Sisimiuni Meqqusaalik flagship store-mut saaffiginnissutigineqarsinnaavoq imalluunniit [email protected] -imut allalluni.

Assartuinermi innarliinerit

Pisiatit tigugukkit puuata takussaasumik innarlersimannginnera msissoqquarput. Puua innarlersimappat allamilluunniit takussaasumik ajoquteqarpat tigunera allagartaatigut atsiussavat imaanik aserortoqarsimasinnaanera ilimasaarutigalugu. Aamma pisiaq tigujumanngissinnaavat. Piaarnerpaamik pisisartunut sullissivik [email protected] atorlugu nalunaarfigissavat pisiaq tigujumanagu.

Pisiaq aserorsimappat imaaliussaatit

Meqqusaalik.gl atorlugu naammagittaalliorniaruit inniminniinermi normu, nioqqutissap suunera ajoqullu naatsumik nassuiarlugu nalunaarutigissavatit. Taava qanoq iliornissat pillugu attavigineqassaatit. [email protected] atorlugu sianerlutilluunniit +299 862 400-mut attavigitigut piffissami: ataasinngorneq – tallimanngorneq 8:00 – 16:00

Maalaarfissat

[email protected] atorlugu allakkatigut naammagittaalliorsinnaavutit. Tamatuma saniatigut Kalaallit Nunaanni atuisartut unammilleqatigiinnermullu siulersuisoqarfiannut naammagittaalliorsinnaavutit https://aua.gl aqqutigalugu.

Illersuisoqarneq

Meqqusaalik.gl-ip pisinermut tuniniaanermullu piumasaqaatai Kalaallit Nunaanni eqqartuussisoqarfiup ataaniipput pisisullu Meqqusaalik.gl-illu akornanni isumaqatigiinngissutaasinnaasut Kalaallit Nunaanni eqqartuussivimmi aalajangerneqassallutik.

Sulisoqarnermi politikki

Tulliuttuni takutinneqassapput KNI A/S-ip paasissutissat inunnut tunngasut nittartakkatsinnik atuininni, Meqqusaalik.gl-imi sullissivinnilu assigiinngitsuni nittartakkatsinnut nalunaarutigisartakkavit atortarnerai.

1. Paasissutissanik inunnut tunngasunik katersineq

Paasissutissanik ilinnut tunngasunik katersilersigata tamatigut nalunaarfigineqartassaatit. Paasissutissat ilinnut tunngasut katersorsinnaasagut assersuutigalugu makkuusinnaapput illit atit, e-mailit, angerlarsimaffippit sumiiffia, telefonivit normua assigisaallu ilisarnaataasinnaasut.

2. paasissutissat inunnut tunngasut atorneqarfii

Inunnut paasissutissat katersorneqartut maani atorneqartarput:

Internetsikkut pisiniarfitsinni pisinermut naammassinninnermi:

• Inniminniisimanermut uppernarsaatitut
• Inniminniinermi uppernarsaammik nassiussinermi
• Nioqqutissanik nassiussinermi
• Naammagittaalliuteqarnermi
• Utertitsinermi
• Internetikkut pisinerup naammassinerani: Akiliinermut paasissutissanik uppernarsaanermi akiliinerullu naammassinerani. Paasissutissat paasinarunnaarsarlugit nassiunneqartarput tamani atuuttut assigalugit.

Sullissineq coockies- aamma sulisoqarnermi politikkimi maleruagassat malillugit ingerlanneqartarpoq. Paasissutissat ilinnut tunngasut qanoq atorneqartarnerinik, qanoq piiarneqartarnerinik qanorlu nalunaarsorneqarsimasutut  pisinnaatitaaffeqarnerlutit maani atuarsinnaavat.

Erseqqissassavarput qulaani atuinermut tunngasut illit ersarissumik akuersisimatillutit atorneqartarmata, inatsisit akuersiseqqaarnak saaffigineqarsinnaaninnut periarfissiinngippata.

Paasissutissat ilinnut tunngasut piiarneqarumaarput siornani taneqartunut atorfissaarukkutsigit. Paasissutissat suliarineqarsinnaapput sivisunerusumillu toqqortarineqarsinnaapput ilisarnarunnaarsarneqarsimagunik.

Paasissutissaatitit allanut ingerlatinnavianngilagut illit akuersiseqqaarnak. Ingerlatitseqqinnerli imaattoqarpat pisinnaavoq:

1. Ingerlatitseqqinneq inatsisitigut akuerineqassaaq.
2. Ingerlatitseqqinneq eqqartuussinermi eqqartuussisoqassatilluguluunniit piumasarineqarpat.
3. Ingerlatitseqqinneq piumasarineqarpat aalajangiisoqassatillugu, imaluunniit inatsisitigut pisinnaatitaanivut illersussatillugit.

Inunnik paasissutissat KNI A/S-imi nalunaarsorneqarlutillu ukiuni tallimani toqqortarineqartarput tamatumalu kingorna piiarneqarlutik.

Tamatuma ataani suliffeqarfinnik arlalinnik paasissutissanik toqqortaqarlutillu suliaqartunik suleqateqarpugut. Taakku suliffeqarfiit paasissutissat taamaallaat uagut sinnerluta suliarisarpaat namminnerlu siunertaminnut atoqqusaanagit.

EU-mi datanik suliallit imaluunniit nunat inuttut paasissutissaatinnik paarsilluarsinnaasut kisiisa suleqatigaavut. Meqqusaalik.gl-imi datanut akisussaasoq tassa KNI A/S.

Suut illit pillutit paasissutissat suliarinerivut paasiniarnissaannut pisinnaatitaavutit.

Isumaqaruit illit pillutit paasissutissat eqqoqqissaanngitsut iluarsinissaannut pisinnaatitaavutit. Suliat ilaanni  paasissutissanik ilinnut tunngasunik piiaanissamut pisussaatitaavugut, tamanna illit piumasarigukku. Imaassinnaavoq paasissutissat uagut anguniakkatsinnut pisariaaruttut. Aamma paasissutissat ilinnut tunngasut inatsisinut akerliusumik atorneqarsorigukkit saaffigisinnaavatsigut. Una atorlugu allaffigisinnaavatsigut: [email protected]

Nutaarsiassaqartitsivik:

E-mailkkut nutaarsiassanut ilanngussinnaavutit. Aamma ajornanngitsumik piiaasinnaavutit

Qanoq iliornissat nalornigukku pisisartunut kiffartuussivik saaffigisinnaavat.

3. Cookies

Nittartakkatsinni cookies atorpagut. Tamakku pillugit maani atuarsinnaavutit: Inuttut paasissutissat, Cookiesillu pillugit politikki.

4. Sillimaniarneq

Suliatsinnik isumannaallisaaniarluta sillimaniutit atulersissimavagut sillimaniarnitsinnut paasissutissanillu toqqortaqarlutalu suliaqarnitsinnut naleqqullutillu isumannaallisagaasunik. KNI A/S-imi suleqatit tatigisaasut kisimik avataaniluunniit suleqataasut uagut ilitsuutigut malillugit sulisut tamakku paasissutissutissat ilinnut tunngasut iserfigisinnaavaat. Anguniartuarparput illit pillutit paasissutissanik illersuiniarnerup pisaassusaata innarlitsaalinissaa.

Inuttut paasissutissavit atornerlunneqannginnissaat anguniarlugu paasissutissaatitit passwordillu allanut tunniutinngilluinnassavatit.

5. Inuttut paaasissutissavit paasiniaagivisinnaaneri il. il.

Inatsisitigut killiliinerit eqqaassanngikkaanni  paasissutissanik ilinnut tunngasunik suliatsinnik paasiniaassallutit pisinnaatitaavutit. Aamma ilinnut paasissutissanik suliaqarnitsinnut akerliliisinnaatitaavutit. Aamma pisinnaatitaavutit ilinnut paasissutissanik pisariaqarfiatigut naqqiissuteqarsinnaallutit.

6. Nittartakkanut allanut aqqutissat il. il.

Nittartagarput nittartakkanut allanut aqqutissanik toortagaqarsinnaavoq. Suliffeqarfiit allat nittartagaasa imarisaat paasissutissanillu inunnut tunngasunik katersisinnaaneri uagut akisussaaffiginngilagut. Nittartakkat allat iserfigisimagukkit piginnittuata  paasissutissanik inunnut tunngasunik illersuinissamik politikkia allallu paasissutissat attuumassuteqartut atuaqquagut.

7. Paasissutissanik allannguineq imaluunniit sullissivinniit peerneq il. il.

Inuttut paasissutissat ilinnut tunngasut allanngorteqqugukkit peeqqugukkilluunniit imaluunniit uatsinniit nalunaarutinik pisarunnaarusukkuit uunga saaffigissavatsigut:

KNI A/S

Postboks 319

3911 Sisimiut

Grønland

Telefon: +299 862 400 piffissami ataasinngorneq – tallimanngorneq 8:00 – 16:00

E-mail: [email protected]