Description
Kigutaarnaq tassaavoq arnanut qaatigooq vatsinik oqorsaasigaq oqitsoq atisassianik 40%-ii atoqqitanik sanaaq. T8-atisassianik tasisuasunik, ninngussutsimikkut ilisimaneqartunik, qalipaataajarneq ajortunik isugutseraangamillu paniasuunik mersugaq. Qaatigooq ALTO-savat qiviuinik kivigaavoq – ALTO tassaavoq qiviut plastikkimillu puiaasakut sequtsikkat akuleriillugit oqorsaatissiaq, kialaartitsillunilu plastikkimik eqqaanermik millisaaqataasoq.
Kigutaarnaq qaatiguup sialuk, anori nillerlu akiorsinnaavai singissartui imermik pitarneqarsinnaannginnamik, mersorneqarnermini kilui nipitissugaallutik erngullu naqitsinera 20.000 mm ”anersaartorsinnaaneralu” 30.000 g/m2/24h-ulluni. Qaatigooq tamarmi eco DWR-imik (Durable Water Repellent) seqqitsagaavoq, silarlummut suli akiuussinnaanerulersillugu. Aamma kiassuseq nalimmassarneqarsinnaavoq uniini kissamik aniatitsiviisa ammarnerisigut, atsipaavisa tasisuasit qasunnerisigut, qaatiguup ataani sinaakkutaata nasaasaanilu sukarutaasa allunaasat tasisuasut qasuternerisigut. Aamma sakiaani kaasarfiit marluk nasassamaatinnut, aaqqatinnut suarsunnullu pingaarutilinnut toqqorsivigisinnaavatit. Qaatigooq aamma sisorarluni atugassaqqilluarpoq apummik iserfigiuminaassagaagami talianilu saamerlermi kaasarfeqarluni soorlu majuartaammut koortimut toqqorsiviusinnaasumik.
Soorlu siuaasatta aneerusaat arrnussanik illersuuteqartartut aammattaaq Kigutaarnaq nammineq aarnussaminut kaasarfinnik toqqorsiveqarpoq.
Qaatigooq aamma RECCO-teknologiimik pilersugaavoq, annaassiniartut inunnik apummik matoorussaasimasut, qaqqami periarfeerussimasut allatulluunniit navianartorsiortut sumiissuserniarneranni iluaqutissamik. Teknologi taanna suli Kalaallit Nunaanni atugaanngilaq, nunarsuulli ilaani allarpassuarni illersuutigilluarsinnaavat.
Suna tamaat ataatsimut isigalugu sila qanoq ikkaluarpalluunniit illersuutissannik qaatgoortaassaatit. Amma ilannanngullugu avatangiisinut illersuutaavoq.
- Qalliutaa: 100% polyester
- ALTO qiviunik kiviutaa 40% qiviut aamma 60% polyester atoqqitaq
- Tritech membran 20K/30K
- Sakiaani saneraanilu kaasarfiit singissartullit
- Uniini kiammik aniatitsivilik
- Nasaasaa sukallugulu qasunneqarsinnaasoq
- Qitiani apummut isaanaveeqqut peerneqarsinnaasoq
- Arnussamut kaasarfik
