Allatsinniakkannik toqqagaqanngilaq.
Sisimiut 1°
Nanortalik 2°
Qaqortoq 2°
Narsaq 4°
Paamiut 2°
Nuuk 2°
Maniitsoq 3°
Aasiaat 2°
Kangaatsiaq 3°
Qasigiannguit 3°
Ilulissat 3°
Qeqertarsuaq 1°
Uummannaq 2°
Upernavik 2°
Qaanaaq -2°
Tasiilaq 8°
Ittoqqortoormiit 1°
Nalunaarsuutinut nuugit
QIMUSSERNERMIK KULTURI JULIAP SISIMIUNI INGERLATEQQIPPAA
Aputikkut, anorersuarmilu aqqutissiuussisoraarput. Asimi allanngoraqisumi tusaasoraagut. Qimmeq qimuttoq kinguaariippassuarni ingiaqatigaarput. Inuup, qimmillu suleqatigiinnerat maani nunatsinnisuulli, nunani arlaliunngitsuni allani taamak aalajangiisuutiginngilaq. Ajoraluartumilli qimmit qimuttut nunarsuatsinni tusindialuinnanngornikuupput. Sisimiunili arnap inuusuttunnguup qimussernermik kulturi ingerlateqqippaa.
Julia Lings, Sisimiuni qimusserfissaqqissumik nunataqartumi qimminik qimuttunik qimmeqarluni peroriartorpoq. Ilaqutariiullutik suliffeqarfiutiminni Greenland Dog Adventure-mi sulivoq, tassanilu qimmit 27-t ulluinnarni akisussaaffigalugit.
”Angajoqqaakka, aanakkukkalu qimussertarnikuummata, qimussertarneq uanni nalinginnaasuujuaannarsimavoq. Meeraallunga nammineq qimussertalerpunga. Eqqatsinni marlunnik qimuttulerlunga qimussertarnikuuvunga – nuannernikooqaaq, oqarfineqarnerlu ajorlunga. Nuannerluinnartumimmi pinngortitarsuaqarluni, kikkut tamarmik ilisarisimallutik Sisimiut illoqarfinnguuvoq.”
”Angajoqqaamma suliffeqarfiutaanni qimmit akisussaaffigalugit sulivunga. Qimmit paarissallugit, sungiusassallugillu akisussaaffiga nuannareqaara. Inunnut allanut eqqissisimasuullutillu tatiginnittuuniassammata sammineqarluarnissaat, iluatannissaallu pingaarteqaara.”
Qimmit qimuttut pinngortitamut atassuserpaatigut
”Qimussertarnermik kulturi nuannareqaara, taamaattumillu qimmit qimuttut Kalaallit Nunaanni atorfissaqartittuarnissaat pingaaruteqarpoq. Pinngortitamut, kulturitsinnullu atassuserpaatigut. Ullumikkut qimmiutillit aliikkutaralugu imaluunniit takornarialerinerminnut atatillugu qimmeqarput, soorlu uagut angajoqqaamma takornarialerisuunerinut atatillugu kulturerput kusanaqisoq tikeraanut takutittaripput. Isumaqarpunga qimmit nuannariinnarlugu imaluunniit sulisitaallutik qimutsitaanertik immikkoortinneq ajoraat – asiliarunik naammagiinnartaraat. Taamaattumik qimmigut ukioq kaajallallugu qimutsittarpagut – aasakkut qamutinik assakaasulinnik imaluunniit ATV-nitsinnik qimutsittarlutigit.”
Julia qimussertilluni illersorneqarnissaminut Meqqusaalik tapersersortigissallugu qinersimammagu tulluusimaarutigaarput.
