Allatsinniakkannik toqqagaqanngilaq.
Sisimiut -4°
Nanortalik 1°
Qaqortoq 1°
Narsaq 1°
Paamiut 0°
Nuuk -4°
Maniitsoq -2°
Aasiaat -10°
Kangaatsiaq -10°
Qasigiannguit -13°
Ilulissat -5°
Qeqertarsuaq -9°
Uummannaq -5°
Upernavik -10°
Qaanaaq -10°
Tasiilaq -2°
Ittoqqortoormiit -8°
Nalunaarsuutinut nuugit
MEQQUSAALIK SISIMIUNI ANGERLARSIMAFFEQANNGITSUNUT
Sisimiuni angerlarsimaffeqanngitsut aammaarlutik ukioq manna Salon Inuit akeqanngitsumik nujaajartiffigisinnaavaat. Tassani aamma suliffeqarfinnit allanit tunissuteqarfigineqarput. Suliaq kusanarluinnartoq Meqqusaallip atisanik oqortunik illersuutaasunik tunissuteqarluni taperserpaa.
KNI-mi CEO Jeppe Jensenip ullaaq manna Salon Inuit ukiut aappassaa Sisimiuni angerlarsimaffeqanngitsunik akeqanngitsumik nujaajaasarumasoq suliffeqarfiillu allat tunissutaannik agguaassisoq aqqusaarpaa. Suliniuteqartuupput nujaleriviup piginnittui marluk, Inooraq Heilmann Kreutzmann Emilie Dahl Lennertilu Sisimiuni angerlarsimaffeqanngitsunik 14-inik nalunaarsorneqarsimasunik ikiuiniartut.
Jeppe-p nassarpai karsersuit marluk jakkinik ukiorsiutinik, annoraanik qarlinnillu sisorarluni atortakkanik imallit. KNI-p iliuusia Inooraq Heilmann Kreutzmannip aalaterneqaatigaa. Angerlarsimaffeqanngitsut illoqarfimmiittut qanoq ililluni pitsaanerusumik ikiorsinnaanerlugit ukiut arlallit eqqarsaatigisarsimavaa.
Angerlarsimaffeqanngitsut uummatinni inissaqartittuaannarpakka, nuannaarutigeqaaralu pisiniarfiit suliffeqarfiillu suliniupput tapersersormassuk. KNI-p tunissutaanut kusanartumut qujamasuppunga killitsillungalu, nalunanngitsumik nillertikkiartornerani qujamasuutaajumaartut, Inooraq Heilmann Kreutzmann oqarpoq.
KNI-mi CEO Jeppe Jensen tapersiivoq:
Isumaqarpunga suliniut ajunngilluinnartoq taamaattumik qaatiguunik Meqqusaalinnik tapiiniarpugut nillernerpaaffiani illersuutissaannik.
Jeppemmi pingaartippaa juullillusooq anersaavani pisinnaaffitsigut ikiuunnissarput.
Meeqqakka oqarfigisarpakka kikkut tamarmik nuannersumik juullersinnaatitaanngitsut. Angerlarsimaffeqanngitsummi inuillu akissaaleqisut piffissami tassani atugarliornerusarput. Inoqatitsinnut asanninneq takutillugu ikiuukkutta iluaqusiissaagut.
