Meqqusaalik kinaava?

Atip isumassarsiarineqarneranut pissutaavoq toornamik pitsaasumik oqaluttuatoqaq: Meqqusaallinngooq atisaminik meqqulualinnik angakkuakkanik inuit ikiorlugillu illersortarpai. Kisianni siulitsinnit oqaluttuarsiani toornaq taanna eqqartorneqarpallaarsimanngilaq. Uagulli oqaluttuareqqiinitsinni Meqqusaalimmik oqaluttuatoqaq oqaatsinik assilissanillu pinngorteqqipparput…

Oqaluttuarineqarpoq angakkoq toornissagaangami toornaq pitsaasoq paasisimasaqarluartorlu qinngaqqaartaraa. Sermimmi killingani issittorsuuvoq, maanilu najugaqarput uumasorpassuit inunnik ajortumeeriniartut. Toornalli Qungujulaartup inuit asaqai. Timaa qiviut angakkuakkat qallersimavaat taliilu timmissat sulorujussuisut illersuiniartutut ipput. Sermip killingata issersuanut  uumasullu akeqqersimaarnerannut illersuutissatut angakkoq qaatiguumi qiviullip ilamernganik tunisarsimavaa. Toornaq ateqarsimavoq Meqqusaalik.

Meqqusaalik uummartinneqartoq
Qanorli ilillugu toornaq oqaluttuatoqqani taamaallaat immannguannaq eqqartorneqarsimasoq assilianngorlugu ersersinnaavarput? Titartaasartoq Maria Kreutzmann attaveqarfigissallugu naleqqulluarpoq suliaminut atatillugu kalaallit oqaluttuatoqaat atuakkamit Bestiarium Groenlandica-mit nalunngeqimmagit. Mariap Meqqusaalik atisaalu angakkuakkat atuakkami  pullavigai. Arriitsumillu qanoq isikkoqarneranik takorluugarput timitanikkiartulerpoq.

 Meqqusaallip titartarnissaanut Mariap aallaqqaasiaaani timitaqalerlunilu kiinaninnera takukkit.