Meqqumiit kiinnamut

Meqqusaallip ilisarnaatigeqqaaraluarpaa meqqoq kusanarluinnartoq. Taassumali oqaluttuaq atermik isumassarsisitsisoq tamaat oqaluttuarinngilaa. Ilisarnaatip nutaap siulitsinnik ataqqinninneq, pinngortitap nukingi anersaarsiornerullu silarsuaa tamaasa imarai.

Atermik isumassarsisitsisoq tassaavoq oqaluttuatoqaq toornamik Meqqusaalimmik angakkuakkanik meqqulualimmik qaatiguulimmik inuit illersuutigisinnaasaannik. Oqaluttuaq nuannersoq inuit anersaallu suleqatigiissinnaanerannik oqaluttuartoq.

Siulittali oqaluttuaanni toornap qanoq isikkoqarnera eqqartorneqarpallaarsimanngilaq. Taamaattumik Meqqusaallip kiinalernisaa ajornakusoorsimavoq. Inuit kiinarpatoqaat, tupilaat titartakkallu isumassarsiorfigineqarput. Tamakkulu inernerivaat ilisarnaat Meqqusaallip kiinarisinnaasaanik ersersitsisoq: Affarmik timmiaq, affarmik inuk. Qungujulaartoq kiinnerartorlu. Meqquusanik pitsaaliisunik assalik. Ilisarnaat tuniniakkamik kalaallit tarningannut issittumilu imminut illersorniarluni aarnualersortarnerannut qaninnerulersitsisoq.

Ilisarnaat nutaaq KNI-p ussassaariviata Københavnimilu Marketsquare-p suleqatigiinnerisigut pilersinneqarsimavoq.

Kalaallit kulturiat, upperisatoqqat toornarlu immikkuullarissoq.